前亞姐黎淑賢、羅霖、謝婷婷等昨日現身澳門威尼斯人《極速Turbo》電影首映活動，黎淑賢帶同三名兒子前來，對於近日盛傳她任職美容醫生夫婿許智政與公司員工發展婚外情的報道，她表示：「同先生商量過，件事交咗畀律師，都係不實報道。」記者問她為何夫婿沒有前來，她笑笑口表示：「佢返工，唔返工點搵錢畀我。」
交律師處理
對於是否有小三介入、離婚、撫養權、信任夫婿等問題，她指：「與事實不符，交咗畀律師，佢唔係公眾人物，佢係好醫生，自己都會少啲出席活動。」
另一邊羅霖則承認介紹離婚律師給黎淑賢，更以離婚代言人口脗表示：「佢嘅事好耐已知，乜原因離婚都好，都係辛苦嘅過程，我作為過來人會互相扶持。」記者告知黎淑賢否認離婚，羅霖表示：「可能係一段過程，離婚唔係即刻，要分居，傾撫養權，報道影到好多關於第三者，相信係其中一個原因。」記者再問黎淑賢，告訴她羅霖已承認介紹律師給她，兩人說法明顯有出入，她表現愕然：「冇可能，冇咁嘅事。」
問到她是否已原諒夫婿，她表示：「佢冇做錯事，何來原諒？」之後她即回到會場內，拖着羅霖到記者室澄清：「佢介紹律師畀我改名，半年前想改，已入咗改名契，可能耐冇聯絡。」在旁的羅霖表現尷尬：「夫妻咁耐有起伏，好難一帆風順，作為朋友想佢好同冇事。」
採訪：林嘉慈
攝影：陳慧安
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第一集足本放送中！速上：
http://hk.apple.nextmedia.com/livestream/channel/talk24