（樂）南華為應付月底嘅巴克萊亞洲賽（鬥英超班霸曼城），已經操咗個幾星期，新體能教練保羅，早幾日仲搞搞新意思，早前安排咗全隊黃昏時間去石澳跑沙灘。足主羅傑承前晚喺球隊blog撰文，話球員對新體能教練嘅訓練方法都幾受落，仲話跑完喺附近餐廳醫完肚先走人，個個食得好開心，外援都覺得好新奇！南華今日休息，聽日就拉隊上三水集訓。