無綫劇《熟男有惑》前晚與《好心作怪》齊齊播映大結局，雖然《熟男》播映以來收視不過不失，但劇情發展卻犯駁多多，故事情節牽強，前晚連一幕重要場面都明顯出錯，無綫竟照樣安排出街，認真貫徹CCTVB是是但但作風。前晚劇情講到郭晉安、曹永廉、單立文和李思捷四人在籃球場傾心事，球場上無端端碌出一個籃球，思捷等人輪流射波，但到阿廉時，鏡頭前明明射不中，但四人仍大叫歡呼，看得觀眾目瞪口呆。
另一場勁膠場面，是思捷到法國生活開農場，懷孕數個月的太太李詩韻仍穿上五吋紅色高踭鞋跑來跑去，認真不合理。最後劇情又沒交代思捷為何回港到影樓拍照，四男抄足《女子十二不設防》（Calendar Girls）情節，齊齊剝光豬影相。阿廉昨在電話中解釋：「如果要拍到中可能要拍幾日，呢啲都係後期加工。」至於被指影裸照涉抄襲，他說：「個個都咁講，其實冇話拍過其他人唔可以用，只係參考啫。」
王浩信露底贈興
此外，黃宗澤、萬綺雯、王浩信及黃智雯等前晚相約在尖沙嘴睇無綫劇《好心作怪》大結局，苗僑偉（三哥）和周麗淇（Niki）均不在港缺席，黃宗澤席間強扯王浩信的褲，令他露底兼露點，場面搞笑。對於《好》劇收視不俗，黃宗澤說：「噚晚31、33點，希望三哥同Niki返嚟再慶祝，等Niki還債，睇吓佢肯唔肯着少啲。」
萬綺雯近日被指在無綫被人蝦，她說：「今日開心，淨係講呢套劇，留番下次新劇《食為奴》先爆。」她否認遭無綫待薄，又說若收視好，有機會穿泳裝慶祝。另有指萬綺雯有份主演的《老表，你好嘢！》將原班人馬拍續集，並會加入張敬軒與張繼聰爭王菀之。
採訪：張俊銘
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第一集足本放送中！速上：
http://hk.apple.nextmedia.com/livestream/channel/talk24