阿歷士張伯倫與施捷斯尼上周六代表阿仙奴出席印尼電視台的節目，電視台都好識做，安排靚女主持Luna Maya（左）訪問佢哋，仲同現場數百名球迷玩互動。其中有幾位球迷有幸上台與偶像近距離接觸，不過接觸方法就與別不同，佢哋不單止握手又擁抱，當中更有一名男球迷好激動咁錫咗張伯倫塊面一啖（小圖），張伯倫亦好大方，冇拒絕到。