吳尊、樂基兒（Gaile）、周汶錡和林德信前晚現身中環ifc的Gucci活動。林德信對於父親林子祥主唱的《衝上雲霄Ⅱ》主題曲被指老套，他說：「有聽過，好有70年代feel，老竇唱乜都好聽，佢唔跟潮流唱自己嘢。」
吳尊撐汪東城
問吳尊有否留意飛輪海成員汪東城被指整容一事，吳尊力撐說：「我梗分到，同佢哋做咗咁多年兄弟，應該係佢身材變咗好多，佢又好勤力健身，覺得佢唔會整容，可能係髮型好咗、曬黑咗、瘦咗、帥氣變得更好睇。」
吳尊又表明不介意另一半整容：「冇一個人係完美，不過要學會心裏完美，唔介意另一半整容。」他更搞笑表示有人教他分辨整容：「聽人講，講嘢時嘴郁鼻唔郁就係，我唔識分。」記者叫他示範一次，他即笑言：「我唔使郁畀你睇，我係200% natural。」
同場的樂基兒會在港逗留一星期工作，有指她離婚後要入住平價酒店，她說：「自己冇變過，識我嘅朋友都知我係合理嘅人，讚我定話我唔好，我唔會理，酒店靚唔靚自己揀，唔關佢事，八卦。」
採訪：譚倩宜
攝影：陳志嵐
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第一集足本放送中！速上：
http://hk.apple.nextmedia.com/livestream/channel/talk24