台灣藝人汪東城日前代言衞生巾廣告，慘被改花名「大姨丈」，昨日大隻仔羅仲謙夥拍胡杏兒在中環碼頭宣傳衞生巾產品，謙仔榮升港版大姨丈。提到連衞生巾都請謙仔做嘉賓，他沾沾自喜說：「係呀！之前做女性內衣，𠵱家到女性衞生用品， 我覺得係一個潮流，多咗男性角度去諗呢樣嘢，又唔需要避忌，證明女士日常生活辛苦過男仔好多，每個月有周期性，好似𠵱家咁熱咁辛苦，係要忍讓啲、呵護啲。」
杏兒驚楊怡呷醋
昨日胡杏兒與羅仲謙在街頭按摩宣傳衞生巾，杏兒坦言感到難為情，不停推搪說不敢讓謙仔按摩，杏兒更大爆謙仔與楊怡的情侶關係，她說：「好尷尬呀！始終係姊妹嘅……此兒又不同彼怡，我都驚呷醋，噚晚有諗過打畀阿怡，謙謙又咁靚仔，佢咁了解女仔周期性需要，聽到都好鬼sweet。」
對於被杏兒踢爆與楊怡的男女朋友關係，謙仔說：「講埋啲咁嘢？唔係啩！我冇乜嘢要承認，冇乜嘢要否認。」羅仲謙按摩時好熟手，問他有否為楊怡按摩？他說：「我覺得男仔識按摩係種情趣，按摩係要臨瞓前先做，夜晚瞓覺前我冇見過佢。」
採訪：楊潔雯
攝影：黃文偉
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第一集足本放送中！速上：
http://hk.apple.nextmedia.com/livestream/channel/talk24