以完美同無敵嚟形容李慧詩（Sarah、圖）嘅澳洲之旅，一啲都冇誇張。Sarah噚日喺阿德萊德舉行嘅南澳場地單車挑戰賽，以破亞洲紀錄嘅33秒888奪標，贏得女子500米計時賽冠軍，比自己嘅舊紀錄快0.041秒；貴為500米計時賽世界冠軍嘅Sarah，今次仲擊敗世界紀錄保持者、澳洲嘅美亞絲。Sarah相隔3個鐘後再贏凱林賽金牌，由上周三起贏晒6個比賽，命中率100%，問你服未？