加尼特同皮雅斯新一季去網隊，塞爾特人都算有情有義，喺上周五登全版廣告（圖），多謝二人為球隊咁多年嚟嘅貢獻。上季轉會去熱火嘅阿倫就冇咁嘅待遇，令球迷喺綠軍facebook問點解；其實阿倫當日一心求去，點同今夏甘為球隊重建而自願走人嘅兩老相比？至於網隊教頭傑特上周五就話，有埋加尼特同皮雅斯，絕對有力挑戰熱火嘅王者地位！