霍震霆、林建岳及王幼倫等昨晚現身尖沙嘴，出席領賢慈善基金慈善晚宴，近日受僭建官司纏繞的唐英年夫婦也有現身，作為大使的陳奕迅更會在昨晚的紅館個唱與鋼琴家郎朗合作。
霍老爺近日屢被追問郭晶晶與長子啟剛的生B事，他亦罕有笑晒口主動交代：「我𠵱家睇緊古書，睇乜嘢名，好緊張，第一次做爺爺。」問到啟剛第一次做爸爸的心情？他表示：「傳媒傳咗出嚟，去泰國幾日舒緩吓。」對於想抱男定女孫，霍老爺十分開放說：「現代社會男定女冇所謂。」至於二人搬出中半山安胎，會否想與他們一齊住？他說：「𠵱家資訊發達，有啲資訊唔係真，仔大仔世界冇所謂，得閒嚟飲茶。」問到晶晶會否夠湯水？霍老爺說：「多謝你哋提醒。」問到會否搞百日宴？霍生則搖頭，未有回答。
採訪：魯萍
攝影：黃文偉
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！