（樂）法甲億萬大軍巴黎聖日耳門，上周四作客奧地利友賽維也納迅速，憑柏斯托尼同加美路下半場各建一功，以2:1反勝對手，總算取得新任教練白蘭斯上任後首勝。不過呢場波亮點係迅速前鋒添美爾，上半場接應角球第一時間用虎尾腳撞射入網，都算得上金球；添美爾咁落力，唔通想博到白蘭斯歡心？萬一真係俾PSG睇中，人工高十倍八倍話咁易。