【跑馬地】人稱師兄嘅劉浩龍近日心廣體胖，除咗有容祖兒嘅愛情滋潤外，同佢為食都有關係。
日前下晝兩點幾，師兄一個人去到跑馬地一間好多圈中人幫襯嘅茶餐廳。師兄一坐低，諗都唔使諗就叫咗鮮牛蛋治同奶茶，老闆仲講笑問佢：「次次都食唔厭咩？」師兄就答：「食上癮。」佢同店裏面嘅夥計有傾有講，前後唔使10分鐘就食完畀錢，去門口攞車走人。
採訪、攝影：梁繼光、彭琮然
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！