湖人上周四決定裁走世界和平，後者冇唔開心不特止，仲同朋友去咗海灘玩（圖）！佢之後一日接受傳媒訪問時話，自己將來一係會去中國CBA搵食，一係就做室內美式足球教練。效力咗湖人4季嘅世界和平仲話，已經同上海隊嘅班主姚明傾過，不過嗰邊高層回應話多謝世界和平垂青，但球隊引援已經有方向，所以暫時唔考慮佢住，擺明請食檸檬。