【特稿】
梁振英「講完當做咗」，先答應嶺南小學暨幼稚園家長，爭取嶺小繼續辦學，贏取民心，但事隔一年，特首辦回應指，就嶺小問題，僅向教育局轉交家長意見。
去年5月，梁振英當選後以候任特首身份「落區」展示親民的形象，會上家長向梁振英遞交請願信，要求梁振英解決嶺小遷校、拆校的問題。
當日梁振英在台上就嶺小的事件回應50秒，「做咗九年嘅嶺南大學校董會主席，都應該算係紅灰（嶺南校徽顏色）子弟……我哋有句說話：『一日嶺南人，一生嶺南人』」。梁又指：「嶺南小學係一間好好嘅學校，我希望大家能繼續辦好佢，𠵱家嗰校址嘅問題，我會關心，我會跟進呢件事，你頭先話有封信給我，你一陣間將封信俾我，睇吓點可以跟進一下」，贏得北角街坊的掌聲。
本報昨向特首辦查詢，發言人只強調已把信件轉交教育局，現時無補充。
《蘋果》記者