環法單車賽第12站，德國車手基特爾（圖）喺臨衝線前超越咗英國車手卡雲迪殊，奪得今站錦標兼本屆第3個分站冠軍，都算厲害。不過黃戰衣就仍然由今站得第14嘅英國車手科美保持。今站發生咗狗追人嘅小插曲，話說喺中立區，喀秋莎車隊嘅史莫古利斯俾隻流浪狗狂追，唔知係咪佢天生怕狗，嚇到自己令架車失控，好彩冇乜大礙。