賭王三房千金何超蓮同吳克羣嘅地下情，當事人雖然多次否認，但噚日吳克羣被踢爆喺超蓮5月生日時，一齊去咗拉斯維加斯慶祝，超蓮嘅孖生細佬都有同行，當時啱啱爆出男方同徐若瑄喺台北睇《鐵甲奇俠3》，極有箍煲味道。
何超蓮同吳克羣喺賭場開心曬太陽，又四圍影相，超蓮仲蠱惑地擺單人相上微博，二人密照就放喺私密網絡。吳克羣噚日喺微博自爆第一次做伴郎，但就冇提到密照一事。
撰文：馮仁昭
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！