【佐敦】美國導演米高曼（Michael Mann）嘅新片《Cyber》繼續喺香港進行拍攝工作，男主角「雷神」基斯咸士禾夫（Chris Hemsworth）同女主角湯唯、王力宏，同埋導演米高曼，前晚喺佐敦開工，米高曼大約夜晚8點左右，先到唐樓嘅一樓視察，其間記者喺樓下守候，佢好大方咁微笑兼揮手。演員大約9點左右，喺附近嘅酒店出嚟，王力宏不顧儀態，沿途邊行邊大啖大啖咁食蛋糕，反而雷神可能要專心入戲，未見佢有太多嘅表情。當上樓會合米高曼後，兩人不斷研究戲份，直到見到記者喺對面嘅公廁拍攝，先淡淡一笑。湯唯就喺另一間房熟讀劇本，表情多多，更爭取時間做運動，拍打雙下巴！
採訪：藍文浩
攝影：陳順禎
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！