提到薛凱琪，不期然會想起她的冷笑話。原來薛凱琪兒時沒玩伴，要自度遊戲過日辰，父母對她亦管教嚴厲，自小被媽媽打到大，直至18歲才不再捱體罰。
撰文：張俊銘
入行10年，今年31歲的薛凱琪是家中的獨女，講到童年生活，薛凱琪臉上隨即流露出一副悶悶不樂的表情說：「係好悶、好悶同好悶嘅日子。」薛凱琪透露小時候就算父母抽時間陪她玩，作為小孩的她，總覺得欠缺一個玩伴，她說：「細個成日同自己玩買賣遊戲，玩到冇嘢賣就玩退貨。」所以薛凱琪堅決起碼要生兩個小孩，讓他們有成長玩伴。
打到18歲
薛凱琪的父母家教很嚴，媽媽更是她心目中最惡的人，出身中產家庭的薛凱琪，家中聘有傭人，而媽媽又照顧周到，薛凱琪說：「媽咪話我細個好易湊，唔會扭計又唔喊，但係對我管教仍然好嚴，體罰得好犀利，打到我18歲。」
薛凱琪從媽媽口中得知，在嬰孩時，她曾因爸爸大懵忘記將ＢＢ床的圍欄關上，令薛凱琪從ＢＢ床上墮下，當時她雙目緊閉沒有反應，父母大驚送她入醫院，經過醫生簡單的檢查後說：「佢仲瞓緊喎！一啲事都冇。」薛凱琪笑言是次嚇得父母半死的墮地事件是奇蹟。
在薛凱琪的照片收藏中，沒有看到她十多歲青春期的舊照片，她說：「我喺十幾歲時好少影相，因為覺得自己好樣衰，而且我童年冇乜表演慾。」
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange