【中環】俾高登仔稱為BB嘅陳嘉桓前日晏晝4點鐘喺中環交易廣場對開嘅天橋，同周柏豪一齊為電影《販賣愛》開工。現場放咗個帳幕，方便兩位演員換衫。當嘉桓BB換完戲服出嚟，在場嘅圍觀者即起哄，嘉桓BB着熱褲背心，仲露出桃紅色喱士bra，唔少男士即場攞部手機出嚟猛影，搞到陳嘉桓嘅助手鬼死咁緊張圍住佢。之後嘉桓接受訪問時話：「喺鬧市加埋放工時間咁着都尷尬，戲裏我係飾演回教少女。」
採訪、攝影：梁繼光、彭琮然
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！