《豪情》要拍續集，聽聞搵嚟「6條煙」（AV女優）大戰杜汶澤，又AV杏兒、又AV Stephy、又AV林志玲，真係狂野。講開AV Stephy，即吉澤明步，唔覺唔覺已經出道超過10年，佢係殿堂級應該冇人夠膽challenge，而我哋嘅谷德昭導演，都係佢嘅fans嚟！
話說喺06年某日，仲係「埋嚟揀埋嚟睇、樓上有四仔」年代，肥谷一早就去咗AV光碟林立嘅灣仔188商場，唔係《買兇拍人》扮鹹碟老闆橋段喎，而係堅掃貨。當日佢一入舖頭，即以雷射眼掃視四周陳列品，睇咗一陣之後就問老細：「邊啲最新呀？邊啲好睇呀？」老細笑笑口遞咗7、8隻鹹碟畀肥谷過目，肥谷全神貫注打量封面，連記者喺隔籬偷拍都唔知。最尾肥谷用200蚊一口氣掃咗9隻鹹碟，當中包括吉澤明步嘅名作。當時肥谷死撐話係搜集新戲資料，最抵死都係Stephy，居然打畀肥谷質問係咪迷戀佢！
撰文：阿Wow
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！