「NBA曼城」今夏擴軍停不了，繼之前簽咗塞爾特人孖寶加尼特同皮雅斯，周四仲落實以兩年620萬美元（約4,800港元）合約，簽入俄羅斯前鋒奇里蘭高（右）；「AK47」原本同木狼仲有1年1,000萬美元合約都放棄，睇嚟好有決心支持同鄉班主普克豪洛夫，拎下季總冠軍。話時話，網隊呢個豪華陣容，下季可能要交8,000萬美元（約6.2億港元）豪華稅，竟然係11/12球季30支NBA球隊總和嘅兩倍！不過普克豪洛夫之前寸到講唔知咩叫豪華稅，拎到總冠軍就得啦。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange