電影《超人：鋼鐵英雄》（Man Of Steel）英國男星亨利卡維（Henry Cavill）與美劇《囧男大爆炸》（The Big Bang Theory）女星Kaley Cuoco月初才被爆戀情，之後兩日二人更公開拖手拍拖，但不夠兩星期，昨日已傳二人和平分手，未知是否抵不住狗仔隊追訪。
現年30歲的亨利卡維，憑超人一角成為新一代男神，他本月初被爆與27歲的「囧女」Kaley Cuoco拍拖，傷透不少女士心。Kaley之後被發現早在上月尾已於twitter上載與《超人》海報合照，幫男友宣傳新片。
戀情正式曝光兩日後，亨利與Kaley更高調出街約會，分別在洛杉磯去超級市場購物及行山，全程二人狀甚甜蜜，簡直羨煞旁人。不過，昨日卻傳出二人已經分手，令人大感驚訝。
保持朋友關係
據娛樂網站E！News報道，亨利與Kaley約會了數次後，決定保持朋友關係。由於二人每次約會都會引來傳媒追訪，可能因此決定分手。英國《每日郵報》則指出亨利與Kaley同屬公關公司Viewpoint Inc，未知是否暗示二人借戀情博宣傳。另外，分手消息爆出前一晚，Kaley在荷李活與女友人夜蒲，女友人更差點仆倒，幸好獲Kaley及時拉實。
撰文：丁焯敏
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange