中國拳擊奧運金牌選手鄒市明（中），改打職業賽後人氣仍然鼎盛，今個月27日佢就再襲澳門，對墨西哥拳手奧迪加，進行職業生涯第2戰。鄒市明𠵱家喺美國荷李活受訓，仲搵埋著名教練費迪洛捷（Freddie Roach）幫手；洛捷認真唔少嘢㗎，教過前拳王泰臣。鄒市明雖然有高人指點，但魔鬼練習都令佢差啲頂唔順，好似要佢用3公斤繩跳繩，搞到鄒市明練到嘔。