【專家意見】
鶴山市擬建核燃料加工廠，港澳態度迥然不同，澳門主動向廣東省了解項目詳情，港府卻闊佬懶理。前大亞灣核安全諮詢委員會委員溫石麟憤斥：「香港政府乜嘢反應都冇，澳門嘅特首都識得即刻去問，究竟發生乜嘢事，知道對澳門影響好大啦，但香港嘅梁特首竟然仲喺度瞓緊覺！」
溫石麟續稱，時至今日，核原料處理廠仍有很大問題，福島事件已證明是很大的教訓：「𠵱家仲要土炮搞啲咁嘅嘢，內地人都識驚，但香港仲乜嘢反應都冇。」
提煉殘餘物有輻射
日本福島核災難令人觸目驚心，原來香港周圍遍佈不少核設施，時刻受到核洩漏威脅。綠色和平資深項目主任古偉牧擔心鶴山市興建核燃料加工廠將核原料、鈾原素濃縮過程，殘留物質會污染環境，亦會影響鄰近廣東地區的食物鏈。
古偉牧說，鈾原素本是粉末，加工廠是將之變成氣體，然後再將氣體濃縮成固體，最後變成核電廠所用的核燃料棒。過程中往往有殘餘物，亦屬於放射性物料，以往核原料廠均會遠離民居設立，以免造成影響及保持國家機密，現時卻與民居相近。
《蘋果》記者