無綫重頭劇《衝上雲霄II》下周一首播，昨日在飛機維修庫舉行記者會，全體演員均穿上制服，現場除了吳鎮宇和張智霖（Chilam）受歡迎外，穿上空姐制服的沈卓盈也頗受維修庫的工作人員歡迎。
外間對此劇寄望甚大，不少演員將重任交託在鎮宇和Chilam身上，鎮宇笑說：「我唔方便回答呀，平常心啦，我相信收視好與壞，都會有人講，咪當贏咗收視算喇。但我都希望多啲慶功，可以同兄弟姊妹見吓面，唔擔心，收視應該及格。」對於陳法拉缺席，鎮宇笑言是否大家嚇怕她，但他覺得總會有人缺席，下次可能輪到他。新加入的Chilam也不擔心收視，能參與大製作已經開心。
馬明想試有性無愛
馬國明（馬明）與江美儀有段有性無愛的激情戲，對於被指似戀母戲，他說：「都唔係，佢（江美儀）大我三、四年，只係早入行，其實畫面唔激，只係意識大膽。」問現實有否試過有性無愛的關係？他笑說：「我細個都幾想有呢啲純性慾關係，我相信好多男仔都唔介意，尤其個姐姐係吸引，但我未試過，𠵱家亦冇膽做咁荒唐嘅事。」吳卓羲雖與緋聞女友傅嘉莉合照，但就略帶激動否認戀情，指大家只是朋友。
採訪：何慧斯
攝影：仇志德
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange