上季因傷而冇落過場嘅「傷膝」中鋒拜林（圖），周三被美國傳媒爆出決定加盟騎士，將會簽約兩年，合約總值有成2,400萬美元（約1.88億港元）！不過，唔好以為騎士今次做咗「超級大儍仔」，因為拜林實收嘅人工只得600萬美元左右，要上陣達到某個數字，先可以賺足咁多錢；而且騎士喺合約第2年，仲可以決定仲要唔要現年25歲嘅拜林。