【第41屆港姐競選之遙遙領先】無綫《2013香港小姐競選》20位候選佳麗，昨日於將軍澳電視廣播城見星級導師李克勤。高登討論區最近開出了冠軍及位置的盤口，供一眾巴打下注（純粹遊戲）。觀乎賠率，暫時以9號劉溫馨為大熱門，奪冠賠率為1賠5，三甲則為1賠2。其次為16號徐韶蓓和17號陳凱琳，兩人的奪冠賠率同樣為1賠6。至於大冷門，則為奪冠賠率1賠150的11號吳瑋雯。
露腰裝搶鏡
20號陳偉琪昨日穿露臍裝搶鏡，問到是否很滿意自己的腰時，她說：「我只係覺得呢件衫好睇所以着，每日都會諗吓自己着乜衫。」相反3號余思慧就比較隨意，恍如只穿內衣，她說：「我喺美國讀書，所以會比較隨性，但係去到人多嘅地方就會着番多少少保護番自己。」
未入圍港姐「栢芝奶媽」林芷嘉，早前踢爆劉温馨經常穿A貨，昨日劉溫馨說：「我都唔着A貨，同埋我都唔識佢，完全唔知發生乜事，我本身都唔着名牌，所以唔會有A貨B貨，香港小姐係唔會貪慕虛榮。」問到可覺栢芝奶媽妒忌其美貌？劉溫馨說：「可能佢真係妒忌，人靚着乜衫都靚！」
另外，近日繼續有讀者爆料指2號羅紫君曾做私影妹，而1號張敬仁（Kendy）則曾獲選2013年全美華埠小姐競選第四名；14號林思韻亦曾參加過07年悉尼華裔小姐競選，並連奪季軍、友誼小姐及健康小姐三獎。
克勤撐無綫
身為導師的克勤表示由於太太選美出身，故都算過來人，問到太太盧淑儀可有交代傳話？他說：「太太忙住湊仔，都唔得閒理我。」近日盛傳陳奕迅嫌無綫出手低，只付500元予擔任《星夢傳奇》的評判，故拒絕邀請，克勤日前現身廣州活動時說：「不止500元，但香港節目酬勞難與內地比較，兩地人口也不一樣。」不過克勤因檔期問題亦推辭了內地歌唱比賽《我是歌手》。
採訪：王崇穎
攝影：黃文偉
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！