太古A（019）母公司香港太古集團前日成功以9,350萬元，即每呎樓面地價高達1.5萬元，投得大嶼山長沙嶼南道細地，撥作集團自用，不禁令到市場嘖嘖稱奇，咁貴都要，唔通嗰度風水、環境好得咁緊要？起大班屋還是員工度假屋先？
原來太古集團在港有兩間大班屋、14間員工度假屋。兩間大班屋，分別位於山頂同石澳，前者畀主席白紀圖住，後者就畀主席度假或者宴客。至於員工度假屋，就分佈喺長洲、石崗、大嶼山梅窩、塘福、長沙等地，集團所有員工都可以按照不同職級，抽籤使用。
新近高價投到呢幅地，聽聞仲未落實興建乜東東，段估就唔會咁大整蠱，用來興建員工宿舍啩，山長水遠點返工呀！