【中環】近日汪明荃（阿姐）嘅老公羅家英被指身體欠佳，好在日前佢哋一齊出席八和會館活動，見到家英哥精神奕奕，好多人都放心晒。暫時放下心頭大石嘅阿姐前日4點鐘，一個人去咗中環行街，佢先後去咗置地廣場同太子大廈嘅名店睇衫，但都係冇收穫。最後佢去咗雪廠街間I.T，原來都係後生仔嘢合心意啲，阿姐好快買咗幾袋服飾。佢喺店入面仲撞見張智霖夫婦，袁詠儀見到阿姐即刻鞠咗個躬㖭。
採訪、攝影：楊浩賢
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！