蔡國威喺亞視做《六合彩》主持做到街知巷聞，因為咁俾內地人攞嚟招搖撞騙，威仔最近發現有人喺騰訊微博用佢個名開帳戶，仲話有六合彩嘅堅料。威仔前晚忍唔住喺微博澄清同檢舉，點知俾另一個人話佢收咗錢唔認，威仔噚日喺電話解釋：「如果六合彩都有消息，我就唔使撈啦！大陸人真係乜都得！」佢話考慮叫亞視向騰訊施壓同埋自己報警備案。
撰文：馮仁昭
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！