六四舞台劇《讓黃雀飛》今年載譽重演，今次劇情唔單止參考咗學運領袖柴玲嘅逃亡經歷，仲首次將佔領中環議題搬上舞台。舞台監製韋少力話，從六四逃亡講到政改諮詢，24年來公民抗命冇停過，希望畀觀眾反思下一步香港人仲可以點做。
演員方面，除咗朱耀明牧師外，反國教退休教師韓連山同歌手吳彤都會仗義演出，李柱銘、佔中發起人戴耀廷同埋陳健民做演後座談會嘉賓。八方聽見呢班惹火人物，即時諗起嗰班愛港乜乜狙擊團體。韋少力話如果被嚴重滋擾，可能要落幕被迫腰斬喎。新劇《黃雀飛（佔領中環版）》本月26日至28日喺牛池灣文娛中心上演五場，可登入六四舞台網址 http://www.stage64.hk或致電：5480 7410查詢。