中國足協盃北京國安主場對廣東日之泉，兩隊都有香港球員，變相係小型「香港打吡」。日之泉出晒梁振邦同陳肇麒（右），可惜效力國安嘅李志豪連後備都冇，只可以做座上客，令到大家睇唔到3名港將鬥法。至於場波，國安有王曉龍梅開二度，仲有張稀哲同格隆、邵佳一各入一球，以5:1大炒客隊，入8強對青島中能。