「超人」懷特侯活（中）到侯斯頓真係人逢喜事精神爽，周二喺當地一間餐廳，仲請晒全餐廳人食飯，認真豪氣！此外，NBA日前公佈新季豪華稅稅收，有6隊因為過咗薪酬上限而要交稅，億萬大軍湖人當然係畀得最多嗰隊。就算超人去咗火箭，但因為湖人總薪酬接近一億美元（約7.8億港元），所以依然要畀成3,000萬美元稅款。