舒淇露半球覓愛

舒淇露半球覓愛

舒淇、黃耀明、任達華及琦琦夫婦等前晚現身中環ifc出席Jimmy Choo活動,舒淇一身藍色花卉圖案連身裙,當中薄紗細節更透視南半球,性感漂亮,成為全場焦點。
早前舒淇的緋聞男友馮德倫在雷頌德演唱會笑言「dry爆」,雷頌德更踢爆他依然跟同一個女仔一齊,記者即追問舒淇是否仍與馮德倫拍拖?她說:「每次出嚟大家都咁問,都係朋友。」現在是否單身?舒淇說:「好忙,冇時間,𠵱家拍緊《聶隱娘》。」問舒淇會為感情事着急嗎?她說:「慣咗好耐,遲啲先,等我得閒啲,解決手頭上套戲先。」記者再問她會否急生小朋友多過結婚,舒淇說:「唔會,自己冇耐性,生BB要定性啲,𠵱家玩人嗰啲OK,小朋友唔嘈都OK,一嘈就bye bye。」

舒淇與馮德倫相戀多年,二人始終未有承認戀情。資料圖片

明哥肉照撐同志

此外,黃耀明透露現忙為大愛同盟新書工作,他說:「本書暑假出,會有何韻詩、趙式芝同啲專欄作家嘅文章,仲搵咗劉若英影啲小說插圖。我同何韻詩會影大膽相,我就會同一個影帝,何韻詩會同一個影后。我不嬲惜肉如金,今次會見到少少肉,內容講同性戀故事,想將同志社群生活帶畀異性戀人認識,希望社會容納度高啲。」
採訪:譚倩宜
攝影:黃偉雄

黃耀明正忙於為大愛同盟出書,繼續為同志發聲。

Amanda S.大騷性感玉背,盡顯骨感美。

【C女郎】
舒淇身穿法國品牌Calla的花卉圖案薄紗連身裙,透視豐滿的南半球,性感爆燈。

逢周五隨《蘋果日報》附送嘅時尚美容雜誌《add》雖然早已派完;
拎唔到書嘅朋友,可以上番《add》嘅官網 http://add.appledaily.com 睇番足本網上版,除咗有專訪外,仲有好多時裝靚嘢睇!

有料放?想收料?入嚟【蘋果互動】啦!
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange