維港渡海泳今年10月6日復辦第3年，立法會破天荒有四壯士落水，包括63歲嘅「星爺」金融界議員吳亮星、57歲嘅體育、演藝、文化及出版界議員馬逢國、50歲嘅會計界議員梁繼昌，以及49歲嘅自由黨鍾國斌。馬逢國噚日自爆，舊年已經想同星爺組隊參加，可惜疏於練習，星爺又喺測試賽肥佬，所以未能成事。今年渡海泳取消隊際賽，個個參賽者都要先喺測試賽過關，45分鐘游完1,500米先可以參賽，所以一班議員都不時游水。馬逢國講起舊年星爺試水經歷猶有餘悸，話明自己一定唔會勉強，因為舊年一名市民試水時身亡，「真係死得人，唔得唔好夾硬嚟」。