文詠珊（Janice Man,JM）與有米男友李冠峰關係撲朔迷離，近日JM被指與富二代Edwin撐枱腳，兩人撻着三個月。昨日JM與陳智燊在上水廣場出席「酒瓶文藝瑰寶展」活動，二人以嘉賓身份欣賞及介紹展品，JM被問到是否與Edwin約會及對方是否追求她，她想了一會，默認回應：「係了解緊，不過我呢排都拍緊新戲，有同啲朋友見吓吃飯，再了解多啲先話你哋聽。」提到報道指二人同居，JM即強調說：「冇同居。」談到Edwin被指似李準基，她反問：「李準基係邊個？我唔知道。我啲朋友都被改花名。」至於男方被偷影有否投訴？她稱沒辦法，都是普通出街吃飯，問到Edwin是否合她擇偶條件？JM說：「我個人好追求感覺同合唔合拍，要多少少時間先知。」
陪黎明飲酒
JM談到自己酒量比起兩年前進步，她說：「以前飲兩啖都會面紅，可能𠵱家多咗機會接觸飲酒。」JM稱飲酒可壯膽，有時拍戲都會飲少少：「飲醉唔會瞓，試過好high大叫。」JM稱平日與老闆黎明飲酒多，她也因老闆鍾意飲而對酒加深認識：「老闆試過畀好貴嘅嘢我飲，年份仲大過我。」
陳智燊表示醉酒後仍有意識懂回家，他承認於廿歲年輕時，有到夜店飲酒結交異性，陳智燊說：「最多只係交換電話，講啲挑逗說話。」他猶豫表示，應該沒酒後亂性做錯事。
採訪：張俊銘
攝影：陳慧安
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange