淨心BB對國家癡心一片，點知中聯辦當佢黐鬼咗線，女仔人家送上門請願遞信，國家嘅大門竟然冇為佢打開，搞到佢前日淚灑西環。不過，淨心BB好堅強，唔使一日，心情同戰鬥力經已回復，噚日仲喺fb上載陳慧嫻嗰首《我心不死》原裝卡拉OK寶麗金版MTV，憑歌寄意，「頑強地愛，是我不肯認命……這份堅持宇宙才能做證……」，可見淨心BB嗰份愛國情操，確係比起好多投機取巧嘅政棍高尚得多呀。
講開愛字堆，公民黨毛孟靜噚日問政府，愛港力同愛港之聲未有根據《公司條例》或《社團條例》註冊，公開收公眾捐款有冇問題？政府就回覆話「不會就個別組織作出評論」喎。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange