之前有雜誌話余文樂（圖）搭上新片《飛虎出征》嘅露點國產女演員劉安琪，搞到同吳雨霏分手，事後樂仔喺微博寸呢單嘢係電影公司借佢過橋，不過噚日佢就急急澄清，話只係針對雜誌而唔係電影公司。另外，彭浩翔同杜汶澤噚日接受商台錄音訪問，講到樂仔單偷食風波，佢哋都話樂仔拍戲時同女方冇交流，彭浩翔仲講笑話：「唔通傳佢同Brenda同音音姐咩？」阿澤又話：「佢品味好難推敲。」講到樂仔炮轟電影公司，阿澤話：「佢誤會咗，你話英皇搞佢就明乜嘢事。」
撰文：馮仁昭
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！