無綫新劇《好心作怪》聽晚播大結局，收視越嚟越好，周一、二嘅收視平均有30點（約193萬觀眾），最高32點（約205萬觀眾），最高收視嘅係周麗淇（Niki）怒摑黃宗澤（Bosco）嗰一場戲，噚日無綫臨時喺電視城搞咗個小型祝捷會。
之前宣傳時，Niki同Bosco曾經應承過平均30點收視就着泳衣、泳褲，但噚日兩個都冇兌現，Bosco即刻解釋：「我下晝至收到通知，都要修剪吓啲草皮，冇理由咁影響市容㗎！」而Niki直頭反口話冇應承過，仲話唔知點解只係要佢兩個着。
披上身當着咗
最抵死係無綫都冇理佢哋感受，一早安排咗泳衣、泳褲喺度，結果Bosco同袁偉豪將三點式泳衣上截披上身，而Niki就同萬綺雯（蚊蚊）攞泳褲擺喺重要部位前影相當着咗。之後Bosco就答應如果最後有35點收視，佢慶功時着泳褲都冇所謂，但Niki就拉埋蚊蚊落水，話佢着蚊蚊都要着，點知蚊蚊好大方話佢遲吓去旅行，會放泳衣照上微博，Niki問係咪三點式，蚊蚊好型咁話：「我從來冇着過一件頭！」搞到反口縮沙嘅Niki惟有話如佢唔喺香港，都會整兩件頭泳裝照出嚟。
版主：陳基征
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange