【香港公園】過氣亞姐冠軍、近年大多數喺內地拍劇搵人仔嘅38歲楊恭如，曾經同上海首富周正毅、台灣演員黃少祺傳過緋聞，08年又同補習天王簡俊傑玩姊弟戀，不過都係無疾而終。近排見到楊恭如經常喺香港出現，陪住佢嘅都係媽咪Jenny，大前晚8點兩母女又一齊出動，佢哋食完飯就去咗香港公園漫步，楊恭如對園內嘅花草樹木非常感興趣，邊行邊指，媽咪就負責用手機影低，認真廿四孝媽咪。
採訪、攝影：吳耀輝、朱志聰
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！