熱刺前日喺安菲特訓練中心開操，其中皇家馬德里收購目標、仲入選今年歐洲足協最佳球員10強嘅加里夫巴利，仲表現得好醒神。操完之後，佢哋喺倫敦就有個新波衫發佈會，仲搵咗隊內4個球員戴臣、費度、迪科爾同埋巴利嚟做模特兒。消息人士話佢哋咁做，係想畀巴利知道佢係幾咁重要，希望佢可以拒絕皇馬而留隊。