【大浪灣】現年29歲嘅吳日言(Yan)喺娛圈嘅發展唔算順利,由歌手、主持到拍劇先後轉過幾間公司,近年就幫王維基嘅香港電視拍咗套劇集《三面形醫》,另外佢喺天后開咗間寵物店,愛犬史納莎狗女Win仲係鎮店之寶㖭,將興趣轉做事業都係件好事。
幫愛犬抹身
前日下晝約4點,Yan偷得浮生同男友帶埋愛犬Win去咗大浪灣嬉水,佢哋兩人一狗喺公眾泳灘旁嘅地方落腳,男友先去士多租咗張沙灘椅同浮板,Yan就除去外衣露出三點式,帶住狗狗一齊落水玩,估唔到平時幾密實嘅Yan係禾稈冚珍珠,喺花花泳衣襯托下顯露34C上圍。
落水玩咗大半個鐘,男友先上水大爺咁坐喺沙灘椅,Yan就坐喺旁邊同狗仔抹身,其間佢似乎對自己身材幾滿意,不時自摸胸部。逗留多10分鐘,佢哋就離開,男友去還凳,Yan就同狗仔沖身,見Yan不時拍打自己腳底嘅沙粒,令豐滿身材更加跌蕩,引嚟泳客注目。之後佢哋去停車場駕駛開篷車離開。
採訪、攝影:李志明、梁繼光
逢周五隨《蘋果日報》附送嘅時尚美容雜誌《add》雖然早已派完;
拎唔到書嘅朋友,可以上番《add》嘅官網 http://add.appledaily.com 睇番足本網上版,除咗有專訪外,仲有好多時裝靚嘢睇!
有料放?想收料?入嚟【蘋果互動】啦!
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange