龍小菌自從除罩以真臉目示人，不但星運增加，更大有食神，昨日她獲「少年食神」林澄光（Michael）邀請，一同到中環的秀拉麵，品嚐由日本拉麵大師河原秀登crossover日本潮牌mastermind JAPAN（MMJ）的特色沾麵，這碗麵由MMJ精心設計的骷髏頭碗盛載醬汁，盛惠港幣680元，單看價錢可能略貴，但每位光顧的食客可獲贈骷髏頭碗一隻，都算物有所值。
龍小菌自問非常為食，看到拉麵大師河原親手為她炮製沾麵，還教她如何蘸醬汁進食，龍小菌份外留心，她單嗅着醬汁已流口水說：「好香，有少少麻辣味。」當沾麵上枱，龍小菌和Michael即大啖吃，龍小菌懶理儀態食不停口，未夠十分鐘便KO一碗沾麵。龍小菌說：「我第一次食呢種沾麵，佢冇傳統拉麵咁油膩，加上係冷麵食法，好啱夏天食，好清新。」拉麵大師河原表示本月24日會同MMJ主腦來港開P，本月26到28日會每天限量賣100碗麵。
脫罩後粉絲示愛
醫飽肚的龍小菌隨即到中環出席青協活動，跟一班學生分享減壓方法，她說：「我分享吓以前等會考放榜嘅心情，最重要係諗好想升學定求職，對日後都好有影響性。當年我放榜成績唔錯，之後就可以好輕鬆。」
小菌自爆脫罩後有粉絲向她示愛：「有網友問『小菌可唔可以追你』，我同佢講我跑得好快。 」龍小菌否認跟經理人邵子風拍拖，她否認戀情：「我叫咗經理人唔好周街拖女仔，仲要拖個咁似我個樣，佢有好多女朋友。」二人可有發展機會，龍小菌說：「大家係親密戰友。」
採訪、攝影：比華利、魯萍
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange