湖人早前失去咗「超人」懷特侯活（右），搞到全個洛杉磯都好谷氣，最嬲嘅當然係拜恩（左）啦。佢日前話祝超人好運，但係就唔會為後者打氣。而球會亦都開始為新球季準備吓，第一個收購，就係同自由身中鋒卡文簽約一年，填補超人出走後嘅空缺。最近仲傳出湖人可能裁走前鋒世界和平，騰空薪酬空間，用嚟下季簽勒邦占士或安東尼！