亞視執行董事盛品儒一向都緋聞多多，分別有 呂晶晶、陳霽平、仲有吳浩康前o靚模女友Hazel等。上月先有報道話佢同Hazel夜蒲，仲有疑似摸胸動作。不過James就回應係角度問題，仲否認摸胸。被指「花弗」，佢就話過：「如果花弗係指高層、後生同靚仔，我承認。」
有報道指「靚仔」盛品儒日前現身尖沙嘴，但今次同行的竟然不是o靚模，反而是97年經典劇集《奇女子》而成名的魏秋樺（Bonnie）。
55歲的Bonnie大過36歲的James足足19歲年，他們去到一間法國餐廳撐枱腳。著上貼身低胸裙的Bonnie，風韻猶存，兩個人成餐飯食足三粒鐘，James仲開心到一個人飲了整支紅酒。
醫完肚後，兩個人直踩去棉登徑把酒談心，去SHOWBIZ繼續飲，期間Bonnie同James不斷有身體接觸，攬下又蹺手，在吧枱纏綿十幾分鐘後，他們就去打桌球。
想不到James打枱波都打得幾好，佢仲即場教Bonnie點打，James一邊捉住Bonnie隻手，又輕搭對方纖腰，被「靚仔」搭住的Bonnie當堂暈得一陣陣。
對於撻著魏秋樺一事，James大讚對方好靚，又話係心中女神，不過就否認拍拖，佢解釋：「當日我們係出來傾『亞洲會』的事，同埋Bonnie想我做佢本寫真集的男主角。」
55歲魏秋樺出寫真？搵盛品儒做男主角？
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange