平時一副蝦人相嘅淨心BB，噚日竟然掉轉頭被蝦，邊個咁唔憐香惜玉呀？話說陳淨心同愛護香港力量（愛港力）成員噚日巡遊幾個地方，抗議美國入侵港人電腦。第一站先去美國領事館示威。美領館好好喎， 大方派出代表接收淨心BB負責遞交嘅請願信。
第二站愛港力就去西環中聯辦威威，頭先喺美領館「做到嘢」喎，梗係要畀老頂睇吓，點知無論愛港力成員點樣引吭高歌，又或者如何落力搖旗吶喊，西環一啲都唔畀面，拒絕派員接收請願信。嬲爆兼瘀爆嘅淨心BB，即時激到兩眼通紅、忍着淚水，流露罕有嘅少女味。佢一度緊緊握住請願信拒絕交出，直至其他成員安慰，先由佢手上搶走請願信，貼喺西環門外鐵馬就黯然收隊散水。去到最後一站政總，成個示威草草收場。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange