網隊教練傑特（圖）𠵱家喺奧蘭多，帶隊打夏季聯賽。佢原訂今個月要就上年酒後駕駛炒車一事，而返去新澤西州上庭。不過，傑特律師就同傳媒講，本來今周四要上庭，但係經過商討過後，就改到下星期二先舉行第一堂，而且傑特就唔使出席，可以專心留喺奧蘭多帶隊。不過，如果最終罪成，「神奇教頭」最高刑罰可以係監禁一年㗎！