李小龍遺孀蓮達（Linda）及女兒李香凝（Shannon），06年曾就李小龍版權事宜與李振輝展開爭拗。李振輝坦言跟Linda及姪女甚少聯繫，問雙方關係如何時，李振輝不諱言：「以前OK，但唔係咁好啦𠵱家，好可惜。」問到關係變差原因，李振輝說：「佢以為我想霸佢權，但大家都有自己嘅權，我係應份同有個任務講我哥哥，但佢哋兩位淨係想全世界知道有個老婆同個女，同埋有個仔過咗身，其他人係唔存在，唔可能㗎嘛呢樣嘢。」
李振輝續說：「難聽啲講，我拍呢部戲（《李小龍》），佢都有寫律師信畀寰亞（電影公司），叫佢哋唔准發行呢部電影，跟住寰亞搵咗我同文雋，因為我係監製，我哋即刻搵律師樓，律師樓即刻整番封信畀佢，從此佢就停止，佢知道我哋有權，佢係咁樣，我哋呢邊最好唔好發言，最好消失、自動消失，但唔可能㗎嘛。」始終是一家人，可望一切可以化解？李振輝坦言：「我都希望，我真係好希望。」
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！