ESPN嘅年度《Body Issue》周二喺官網流出，畀一眾球迷睇住先；有20位運動員參與「剝光豬」拍攝，展示完美嘅美感體態美。有綽號「野人」之稱嘅金塊前鋒法尼特（圖），彈跳力十足嘅佢一手拎住個籃球，準備入樽嘅姿勢，加埋佢一身勁爆肌肉，可以話係力量與美態嘅展現，將自己「野人」嘅風格表露無遺。其他有份拍照嘅運動員，仲有NHRA極速賽車嘅索女車手霍絲（Courtney Force）、UFC女拳手泰迪（Miesha Tate）、滑雪甜姐兒夏迪（Elena Hight）、美職棒嘅夏維（Matt Harvey）等等，刊物將於周五正式面世，相信會吸引唔少體育迷幫襯。