係人都知史篤城前鋒高治個老婆艾比勁索，可惜佢個兩歲大囡囡蘇菲，個樣一啲都唔似阿媽，反而同高治似到十足十，喺街度走失咗都肯定認得番。話時話，雖則冇阿媽咁靚，不過蘇菲都好可愛，而且仲同奧哈拉個兩歲大囝囝雅治，手拖手影相，望落去十足一對小情侶。雅治仲笑到嗡口嗡鼻，好識扮鬼扮馬。