記協上周發表咗2013言論自由年報，估唔到竟惹起風波喎。除咗早幾日例牌有左報發炮之外，竟然連大班鄭經翰都有不滿。點解？因為份言論自由年報內，提到DBC數碼廣播紛擾，但係大班似乎不滿裏面嘅寫法，近日喺網上有聯署信出現，批評年報內容，話DBC去年連串風波，「並非如年報所述，純粹DBC違反廣管局牌照條款、純粹鄭經翰、何國輝兩人將股權售予親北京股東黃楚標便解決問題。」
佢哋堅持，事件明顯係政治打壓，唔滿意年報中並無提及。不過睇真啲嘅話，年報其實係有提到「鄭經翰指北京干預 」呢個版本，都算有交代到各方意見啦。